Мэр Брэста б'е трывогу. 12 аддзяленняў гарбальніцы з 14 перапрафіляваныя пад каранавірус
«У горадзе за апошнія два тыдні адзначаецца рост захворвання на каранавірусную інфекцыю і пнеўманіі. Па цяжкасці працякання гэтая хваля значна горшая. Больш пацыентаў пажылога ўзросту, з цяжкімі спадарожнымі захворваннямі», — напісаў Рагачук у сваім тэлеграм-канале.
Ён дадаў, што ў Брэсце для аказання медыцынскай дапамогі пацыентам з каранавіруснай інфекцыяй і пнеўманіямі ў Цэнтральнай гарадской бальніцы перапрафілявана 12 аддзяленняў з 14 (два тыдні таму было 6).
«Толькі за апошнія суткі шпіталізавалі 92 пацыентаў з дыягназам пнеўманія», — адзначыў мэр.
Кіраўнік горада настойліва рэкамендаваў жыхарам абмежаваць наведванне месцаў масавага збору людзей, а таксама не выязджаць у іншыя рэгіёны.
«Пры наведванні крам, аптэк, іншых грамадскіх месцаў, асабліва ў грамадскім транспарце абавязкова выкарыстоўваць маскі і антысептык, выконваць дыстанцыяванне. Абмежаваць кантакты з іншымі людзьмі і звесці да мінімуму адхіленні ад жыццёва неабходных маршрутаў», — гаворыцца ў паведамленні мэра.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА59
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны55
Каментары