Міністр абароны Леанід Мальцаў даў дазвол на тое, каб маладафронтавец Іван Шыла здаў неабходны для атрымання атэстату экзамен па англійскай мове.
Міністр абароны Леанід Мальцаў даў дазвол на тое, каб маладафронтавец Іван Шыла здаў неабходны для атрымання атэстату экзамен па англійскай мове.З падобнай просьбай да міністра звярталіся паплечнікі Івана з «МФ».
«Камандаваннем 29 зенітнай‑ракетнай брыгады прынятае рашэнне, у парадку выключэння, прадставіць магчымасць Шыла І.У. здаць экзамен па замежнай мове у сярэдняй школе №1 г. Лепеля 9 чэрвеня 2009 году», — паведамляецца ў адказе Мальцава.
Нагадаем, што Івана Шылу выключылі з салігорскай СШ №3 у мінулым чэрвені. Хлопцу не далі здаць апошні экзамен па англійскай мове. Як толькі Івану споўнілася 18 гадоў, яго прызвалі на тэрміновую службу, якую ён праходзіць у вёсцы Межыца, што пад Лепелем.
Міністэрства адукацыі згадзілася, каб Шыла здаў апошні іспыт, але заўпарціліся ў частцы. Давялося звяртацца асабіста да Мальцава, які і пайшоў насустрач салдату.
Каментары