«Я гатовы». Біскуп Касабуцкі не выключае, што супраць яго могуць завесці крымінальную справу
Біскуп Юрый Касабуцкі, генеральны вікарый Мінска-Магілёўскай архідыяцэзіі, які ў адсутнасць арцыбіскупа Тадэвуша Кандрусевіча, якога не пускаюць у Беларусь, выконвае абавязкі яе кіраўніка, не выключае, што супраць яго могуць распачаць крымінальную справу. Пра гэта ён напісаў у фэйсбуку.
«Не выключаю, што неўзабаве да пераліку катэгорый людзей, якія сядзяць за кратамі, будуць далучаныя і святары, біскуп, — напісаў Касабуцкі. — Рэпрэсіі працягваюцца, працягваюцца допыты, і магчыма завядзенне крымінальнай справы ў дачыненні да мяне і а. Сергія [Лепіна]. Я гатовы».
Раней біскуп Касабуцкі асудзіў знішчэнне сілавікамі народнага мемарыяла Рамана Бандарэнкі ў Мінску.
Гэтыя словы абурылі Аляксандра Лукашэнку, які загадаў разабацца і з ім, і з кіраўніком інфармацыйнага аддзела БПЦ Сяргеем Лепіным, які таксама выказаўся на гэту тэму. На наступны дзень Генпракуратура афіцыйна папярэдзіла Касабуцкага і Лепіна «аб недапушчальнасці парушэння закона».
Прапагандысты запэўніваюць, што 196 палітвязняў ужо на свабодзе9
Каментары