З 1 снежня беларускія медыкі і айцішнікі змогуць працаваць у Польшчы без дазволу
З 1 снежня беларусы, што прыехалі ў Польшчу па гуманітарных візах, змогуць працаваць без атрымання дазволу, піша «Польскае радыё».
Гаворка ідзе пра дактароў, медсясцёр, а таксама IT-спецыялістаў, якія ўязджаюць у краіну ў рамках праграмы Poland Business Harbour. Раней паведамлялася, што адпаведны законапраект праходзіць абмеркаванне.
— У Беларусі на гэты момант складаная грамадска-палітычная сітуацыя, і мы хацелі б, каб у грамадзян гэтай краіны была магчымасць у нас працаваць, — цытуе «Польскае радыё» намесніка міністра развіцця, працы і тэхналогій Польшчы Івону Міхалек.
Па словах намесніка кіраўніка ведамства, беларускія работнікі асабліва запатрабаваныя ў сферы аховы здароўя, паколькі ў рэгіёнах Польшчы не хапае дактароў, медсясцёр, медыцынскіх ратавальнікаў.
— У перыяд пандэміі яны вельмі запатрабаваныя. Важна, каб нашы грамадзяне атрымлівалі добрую медыцынскую дапамогу, — канстатавала Івона Міхалек.
Цяпер чытаюць
Папулярную тыктокерку з Лунінца, якая ратавала бяздомных жывёлінаў, асудзілі за палітыку1
Каментары