Пад патрабаваннем спыніць гвалт і затрыманні падпісаліся больш за 5 тысяч хрысціян
Беларускія хрысціяне ўсіх канфесій падпісваюць зварот да ўладаў. Вернікі падпісваюцца пад трыма асноўнымі патрабаваннямі:
— спыніць гвалт у дачыненні да грамадзян, якія выказваюць сваё стаўленне да сітуацыі ў краіне, што гарантуецца артыкулам 33 Канстытуцыі Беларусі;
— аднавіць законнасць, вызваліць усіх затрыманых з палітычных матываў і прыцягнуць да адказнасці прадстаўнікоў дзяржаўных органаў, якія парушылі законы;
— правесці новыя прэзідэнцкія выбары ў самыя кароткія тэрміны, прадугледжаныя заканадаўствам Рэспублікі Беларусь. Выбары павінны адпавядаць міжнародным дэмакратычным стандартам.
Ліст падпісалі праваслаўны протаіерэй Георгій Рой з Гродна, каталіцкі святар Віктар Жук з Віцебска, дацэнт Мінскай духоўнай акадэміі Сяргей Шатроўскі, пастары пратэстанцкіх цэркваў Леанід Вараненка, Антоні Бокун, Тарас Тэлькоўскі, сустаршыня аргкамітэта БХД Георгій Дзмітрук ды шэраг іншых асоб, піша Радыё Свабода.
Цяпер чытаюць
Бліжэйшым часам будуць вызвалены больш за 150 палітзняволеных21
Каментары