Свет11

У Літве хочуць стварыць дронавую заслону на мяжы з Беларуссю

Пасля таго як на мінулым тыдні расійскі беспілотнік «Гербера» заляцеў на тэрыторыю Літвы з Беларусі, еўракамісар па абароне і космасе Андрус Кубілюс заклікаў Літву і краіны рэгіёна ствараць дронавую заслону і наладзіць масавую вытворчасць беспілотнікаў.

«Гэта паказвае, што магчымасць пранікнення такога дрона на тэрыторыю Літвы існуе. Ці гатовая Літва абараняцца ад такіх дронаў, ці ёсць у яе дастатковыя магчымасці — пытанне застаецца без адказу», — сказаў Кубілюс у праграме «Тэма дня» тэлеканала LRT.

«Таму я заўсёды заклікаю Літву і краіны рэгіёна паклапаціцца пра стварэнне так званага плана абароны ўсходняй мяжы, плана фізічнай абароны, перш за ўсё шляхам усталявання шэрагу фізічных загарод на зямлі. (…) На маю думку, такі план павінен уключаць не толькі фізічную мяжу, але і стварэнне дронавай заслоны», — адзначыў еўракамісар.

У маі мінулага года тагачасная міністарка ўнутраных спраў Агне Білатайце абвясціла, што краіны рэгіёна дамовіліся пра стварэнне так званай «дронавай заслоны», для якога будуць выкарыстоўвацца беспілотныя лятальныя апараты для маніторынгу ўчасткаў мяжы, а таксама сістэмы барацьбы з дронамі, якія дазволяць спыняць выкарыстанне дронаў варожымі краінамі для кантрабанды і правакацый.

Аднак па стане на пачатак сакавіка гэтага года Літва і Эстонія не атрымалі фінансавання ад Еўрапейскага саюза на гэты праект.

Паводле слоў Кубілюса, прыкмет гатоўнасці Літвы і краін Балтыі адбіваць магчымыя атакі дронаў з боку Расіі «не надта шмат».

«Таму сёння трэба не столькі вырабляць дроны або закупляць іх і захоўваць на складзе, колькі навучаць і рыхтаваць каманды спецыялістаў, якія маглі б вельмі хутка вырабляць неабходную колькасць дронаў для гэтай заслоны», — сказаў дэлегіраваны Літвой член Еўрапейскай камісіі.

«Я лічу, што Літва і краіны Балтыі павінны мець агульную канцэпцыю не толькі па ўзвядзенні фізічнага загароды, але і па стварэнні дронавай заслоны, уключаючы падрыхтоўку да іх масавай вытворчасці», — сказаў ён.

У мінулы чацвер днём літоўскія памежнікі заўважылі БПЛА. Паводле вайскоўцаў, ён знаходзіўся на тэрыторыі Літвы каля трох хвілін, перш чым упаў у раёне закрытага памежнага пункта пропуску «Шумск».

Літоўскія памежнікі спачатку прынялі аб'ект за іранскі беспілотнік шахед, а пазней выпусцілі паведамленне, што гэта быў «самаробны самалёцік» з фанеры і пенапласту. 

Але, імаверна, гэта была «Гербера» — лёгкі, аднаразовы дрон-прыманка, прызначаны для перагрузкі сістэм ПРА і выяўлення пазіцый радарных комплексаў. Такі апарат можа быць абсталяваны і невялікай баявой часткай.

Каментары1

  • Filipp
    15.07.2025
    Добрая ідэя

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе22

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць