3—5 чэрвеня кіраўнік МЗС Ізраіля Авігдор Ліберман наведае Беларусь з рабочым візітам.
3—5 чэрвеня кіраўнік МЗС Ізраіля Авігдор Ліберман наведае Беларусь з рабочым візітам, паведамілі БелаПАН у прэс‑службе ізраільскай дыпмісіі ў Мінску.
На 4 чэрвеня запланавана сустрэча Авігдора Лібермана з кіраўніком беларускага МЗС Сяргеем Мартынавым. Адказу на запыт аб арганізацыі сустрэчы з Аляксандрам Лукашэнкам пакуль не паступіла.
Раней у прэс‑службе МЗС Ізраіля БелаПАН паведамлялі, што канчатковай інфармацыі аб візіце кіраўніка міністэрства ў Беларусь пакуль няма.
Між іншым, паводле звестак ізраільскай газеты Haaretz за 26 мая, Ліберман прыедзе ў Мінск пасля двухдзённага візіту ў Маскву. У Беларусі таксама запланаваны яго сустрэчы з кіраўніцтвам Міністэрства абароны і лідэрамі яўрэйскай абшчыны.
Выданне нагадвае, што менавіта цяперашні кіраўнік МЗС дамогся фінансавання для адкрыцця ў Мінску ізраільскага пасольства ў 2004 годзе.
Дыпмісію тады ўзначаліў Зееў Бен‑Ар’е, які цяпер з’яўляецца дарадцам Лібермана па постсавецкіх краінах.
Ліберман наведваў Мінск у лютым гэтага года з неафіцыйным візітам адразу пасля выбараў у Кнесет, на якіх яго партыя правага кірунку «Наш дом - Ізраіль» заняла трэцяе месца.
Каментары