Кацярыне Андрэевай адмовілі ў спатканні з мужам. Адпаведную пастанову за подпісам старэйшага следчага Фрунзенскага РАСК Ігара Курыловіча атрымаў муж Кацярыны, журналіст Ігар Ільяш. Следчы тлумачыць адмову ў спатканні тым, што Кацярына нібы «можа схавацца ад органу крымінальнага пераследу і суда», паведамляе Белсат.
«Лічу пастанову Курыловіча неабгрунтаванай, а матывавальную частку гэтай пастановы — пазбаўленай усялякага сэнсу. У сваім хадайніцтве я прасіў не аб змене меры стрымання для Каці, а толькі аб спатканні», — каментуе сітуацыю Ігар.
Таксама Фрунзенскі РАСК адмовіўся вяртаць тэхніку, што ў Ігара Ільяша канфіскавалі падчас затрымання ва ўласнай кватэры 24 лістапада. Тады журналіста пакаралі 15 соднямі арышту. Адначасова на грунце пастановы аб арышце маёмасці Кацярыны Андрэевай у яго забралі асабістую тэхніку — у тым ліку два тэлефоны і ноўтбук. Следчы Курыловіч адмовіўся вяртаць тэхніку, бо прадметы былі прызнаныя «рэчавымі доказамі» ў справе журналістак «Белсату» Кацярыны Андрэевай і Дар'і Чульцовай.
Цяпер чытаюць
Сталі вядомыя падрабязнасці пра трагедыю ў Полацкім манастыры9
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары