Аляксею Навальнаму абвясцілі прысуд: адмяніць умоўны тэрмін і адправіць у калонію на 3 гады і 6 месяцаў за парушэнне выпрабавальнага тэрміну па справе «Іў Рашэ».
Навальны павінен будзе адбыць у калоніі агульнага рэжыму тры з паловай гады пазбаўлення волі за вылікам тэрміну, праведзенага пад хатнім арыштам (каля 10 месяцаў).
Падчас выязнога пасяджэння, якое прайшло ў Масгарсудзе, прадстаўнік Федэральнай службы выканання пакаранняў паведаміў, што Навальны больш за 50 разоў парушыў правілы выпрабавальнага тэрміну, у тым ліку не прыходзіў на рэгістрацыю ў ведамства, як таго патрабавалі ўмовы ўмоўнага пакарання. Пракуратура падтрымала пазіцыю службы. Адвакаты палітыка патрабавалі адхіліць хадайніцтва службы.
Падчас працэсу ў Масгарсудзе паліцыя затрымала больш за 300 чалавек, якія прыйшлі да будынка суда, каб падтрымаць Навальнага.
Цяпер чытаюць
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары