Міліцыя і камунальнікі тэрарызуюць гамяльчанку за бел-чырвона-белы сцяг у акне
У жыхаркі Савецкага раёна Марыны два месяцы на акне правісеў БЧБ-сцяг. Так бы і вісеў, калі б не пачаліся візіты з РЭУ. Праз суседзяў настойліва рэкамендавалі з'явіцца па адрасе. Паралельна тэлефанавалі з незнаёмых дзяўчыне нумароў. Тэлефанавалі нават па выхадных. Міліцыя прыйшла нават да яе 70-гадовай бабулі. Пыталіся, чаму Марына не бярэ слухаўку і абяцалі прыйсці.
Прыйшлі двое супрацоўнікаў, размаўлялі ветліва. Цікавіліся, ці вісіць яшчэ сцяг. Да таго моманту Марына яго ўжо зняла, таму міліцыя хутка сышла, перад гэтым папярэдзіўшы, што дзяўчынай цікавіліся ў РЭУ.
«Усё, што адбываецца ў мяне ў кватэры — мая асабістая справа», — кажа Марына.
Марына лічыць, што камунальнікам паскардзіўся адзін з яе суседзяў: пісаў скаргі ў розныя інстанцыі. Спачатку на нібыта незаконную планіроўку ў кватэры, потым — на БЧБ-сімволіку. Таксама папярэдзіў Марыну, што камунальнікі плануюць прыехаць з вышкай і нават вокны могуць выбіць.
Цяпер чытаюць
Каб не плаціць падатак на сабак, мінчукі пачалі здаваць іх у пункты адлову25
Каментары