Буданаў сумняецца, што Ціханоўская зможа спыніць правакацыі Лукашэнкі
«Мы павінны быць моцнымі і гатовымі да ўсяго, тады ні ў кога не будзе ўзнікаць дурных думак».
Кіраўнік Офіса прэзідэнта Украіны Кірыл Буданаў лічыць, што лідарка беларускага дэмакратычнага руху Святлана Ціханоўская «нават тэарэтычна» не зможа справіцца з задачай прадухілення правакацый з тэрыторыі Беларусі. Пра гэта ён заявіў падчас выступлення на форуме Архітэктура бяспекі, піша Reform.news.
«Мы павінны быць моцнымі і гатовымі да ўсяго, тады ні ў кога не будзе ўзнікаць дурных думак. Ці патрэбная нам чыясьці дапамога, каб выключыць саму магчымасць якіх-небудзь правакацый? Гэта ніколі не бывае лішнім. Ці зможа спадарыня Ціханоўская справіцца з гэтай задачай? Выкажу выключна суб’ектыўнае меркаванне: не, не зможа, нават тэарэтычна. Але яшчэ раз паўтару свой першы тэзіс: мы павінны быць моцнымі — і тады ўсё будзе нармальна, з намі будуць лічыцца, і ніхто не стане рабіць глупстваў», — сказаў Буданаў.
Ён выказаў надзею, што Украіна зможа зрабіць правільныя крокі для таго, каб «выключыць саму ідэю» паўторнага выкарыстання тэрыторыі Беларусі для ўзброенай агрэсіі супраць Украіны.
Буданаў таксама падкрэсліў, што галоўнай гарантыяй бяспекі ён лічыць уласную сілу і гатоўнасць Украіны да любых пагроз, а не знешнія фактары.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні10
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары
[Зрэдагавана]