44-гадовы рэзервіст не з'явіўся на зборы — атрымаў 2900 рублёў штрафу
44-гадовага рэзервіста са Столінскага раёна аштрафавалі на 2,9 тысячы рублёў за няяўку на ваенныя зборы, паведамляе Брэсцкая пракуратура.
14 жніўня 2020 года ў ваенкамаце мужчына атрымаў пад асабісты роспіс позву з патрабаваннямі з'явіцца 28 жніўня на ваенныя зборы, але ў прызначаны дзень у ваенкамат не прыйшоў. У дачыненні да яго распачалі крымінальную справу.
Суд Столінскага раёна вынес абвінаваўчы прысуд ч. 1 арт. 436 КК РБ «Ухіленне рэзервіста або ваеннаабавязанага ад яўкі на зборы» і прызначыў абвінавачанаму пакаранне ў выглядзе штрафу ў памеры 100 базавых велічынь — гэта 2,9 тысячы рублёў.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары