Здарэнне адбылося ў канцы студзеня. 14-гадовы жыхар Стоўбцаў на пару з 15-гадовым хлопцам з Карэліцкага раёна прыехалі ў Дзяржынск. Там павінна была адбыцца сустрэча з мясцовымі хлопцамі, з якімі яны пазнаёміліся ў сетцы, паведамляе прэс—служба МУС.
Па дарозе госці горада пачалі тузаць ручкі аўтамабіляў у надзеі знайсці адкрыты. Адчыніўся грузавы «Мэрсэдэс», прыпаркаваны каля будаўнічай крамы. У замку знаходзіўся ключ.
Далёка з'ехаць не ўдалося: праз 200 м машына заглухла. Калі школьнікі выйшлі з салона, іх паклікаў ўладальнік таго самага маркета, каля якога стаяла машына. Ён пачуў, як аўто заводзяць, і выйшаў на вуліцу.
Уся чацвёрка кінулася ўцякаць (да таго часу да месца здарэння падышлі астатнія ўдзельнікі сустрэчы). Мужчына запомніў прыкметы мясцовага жыхара, праз якога ўдалося выйсці на падазраваных. Падлеткаў затрымалі.
Каментары