У штабе Ціханоўскай ацанілі, якую эканамічную дапамогу атрымае Беларусь, калі правядзе сумленныя выбары
Прадстаўнік Святланы Ціханоўскай па эканамічных рэформах Алесь Аляхновіч распавёў, на якую фінансавую і эканамічную падтрымку можа разлічваць Беларусь пасля дэмакратычных прэзідэнцкіх выбараў.
Аляхновіч адзначыў, што ў праекце плана ЕС «шмат карысных прапаноў для эканомікі Беларусі». Да іх адносяцца:
— значнае павелічэнне фінансавання прыватнага бізнэсу і буйных інфраструктурных праектаў праз Еўрапейскі банк рэканструкцыі і развіцця і Еўрапейскі інвестыцыйны банк;
— развіццё энергетычных, экалагічных і іншых трансгранічных і бізнэс-праектаў у межах Усходняга партнёрства;
— прыняцце пагаднення аб прыярытэтах партнёрства Беларусі і ЕС;
— падтрымка новай праграмы стабілізацыі Беларусі з МВФ, уключаючы дадатковае фінансаванне ЕС праз механізм «макрафінансавай дапамогі»;
— падтрымка ўступлення Беларусі ў Сусветную гандлёвую арганізацыю;
— тэхнічная дапамога Беларусі ў распрацоўцы рэгулятарных і галіновых рэформаў з удзелам Арганізацыі эканамічнага супрацоўніцтва і развіцця, Сусветнага банку і ЕБРР;
— бязвізавы рэжым для беларусаў.
На думку Аляхновіча, Еўрасаюз і еўрапейскія банкі — не адзіныя, хто гатовы дапамагчы Беларусі.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары