З 3 красавіка ва ўсёй Францыі ўвядуць чарговы — трэці з пачатку пандэміі — агульнанацыянальны каранцін. Ён будзе дзейнічаць на працягу чатырох тыдняў. Пра гэта ў тэлезвароце заявіў прэзідэнт краіны Эманюэль Макрон.
У рамках каранціну ўводзяцца наступныя абмежавальныя меры:
— супрацоўнікі павінны будуць вярнуцца на дыстанцыйную працу;
— зачыняцца ўсе крамы, акрамя тых, дзе прадаюцца тавары першай неабходнасці;
— на тры тыдні будуць зачыненыя дзіцячыя сады, школы і каледжы. Студэнты ВНУ змогуць наведваць заняткі адзін дзень у тыдзень;
— будзе забаронена з'язджаць ад дома далей чым на 10 кіламетраў без уважлівай прычыны. Паездкі паміж рэгіёнамі будуць дазволеныя толькі падчас велікодных святаў.
Неабходнасць новага каранціну Макрон патлумачыў распаўсюджваннем у Францыі брытанскага штаму каранавіруса.
«Я звяртаюся да вас, каб заклікаць усіх да мабілізацыі на красавік», — заявіў французскі прэзідэнт. Ён дадаў, што ўлады плануюць пачынаць адмену абмежаванняў з-за каранавіруса да сярэдзіны мая.
Каментары