Журналісты паказалі палявыя лагеры расійскіх войскаў у Крыме: там больш за тысячу баявых машын
Расійскія войскі разгарнулі ў Крыме па меншай меры два палявыя лагеры, сведчаць спадарожнікавыя здымкі мясцовасці, якія апынуліся ў распараджэнні журналістаў нямецкага выдання Der Spiegel, паведамляюць «Открытые медиа».
Лагеры, згодна з імі, размясціліся на ўсходзе паўвострава на ўзбярэжжы — за 30 км ад вёскі Марфаўка. На некаторых фотаздымках, паказалі журналісты, заўважна, што баявыя машыны шэрагамі стаяць на агароджанай тэрыторыі зусім недалёка ад жылых будынкаў.
Усяго, паводле ацэнак Der Spiegel, там знаходзяцца больш за тысячу адзінак тэхнікі. Эксперты з групы Conflict Intelligence Team (CIT) у сваім Telegram заўважылі, што, мяркуючы па пунктах прызначэння эшалонаў з тэхнікай і кадрах вайсковых калон у Крыме, — гэта, хутчэй за ўсё, машыны часткі 58-й арміі, перакінутыя туды з Паўночнага Каўказа (напрыклад, 136-я мотастралковая брыгада і 291-я артылерыйская). Аб перакідцы гэтых злучэнняў на паўвостраў 16 красавіка афіцыйна паведамляла прэс-служба Паўднёвай вайсковай акругі РФ.
Der Spiegel нашли на спутниковых снимках новый лагерь российских войск на Керченском полуострове. Мы считаем, что там находятся части 58-й армии, переброшенные в Крым с Северного Кавказа https://t.co/QBW9tGFsje pic.twitter.com/AB9qhqBfsi
Абодва крымскія лагеры, дадалі журналісты, мяркуючы па спадарожнікавых фота, з'явіліся там у перыяд між 15 сакавіка і 2 красавіка і канчаткова сфармаваліся да 13-га. Першы лагер карэспандэнты Spiegel назвалі «асноўным» — ён больш маштабны, — другі — меншага памеру і размешчаны на захад ад першага.
Але ні на адным са здымкаў, звярнулі ўвагу эксперты CIT, не бачная цяжкая тэхніка, напрыклад, танкі і самаходныя артылерыйскія ўстаноўкі «Мста-С», якія, мяркуючы па фота і відэа ў сацсетках, таксама перакідваліся ў Крым у складзе частак 58-й арміі. Не было і афіцыйных паведамленняў з нагоды прысутнасці ў Крыме 76-й Пскоўскай дэсантна-штурмавой дывізіі, эшалоны якой мясцовыя жыхары заўважылі ў Сімферопалі, паказалі ў CIT. Усё гэта, даследчыкі выказалі здагадку, можа казаць аб тым, што паказаныя Spiegel лагеры — не адзіныя ў Крыме.
Расійскія ўлады гэтыя звесткі не каментавалі. Свае войскі яны ўжо некалькі тыдняў перамяшчаюць да мяжы з Украінай. Вайсковую тэхніку, у прыватнасці заўважылі ў Растоўскай, Белгарадскай і Варонежскай абласцях РФ. У пачатку красавіка CIT зафіксаваў ля межаў Украіны максімальную канцэнтрацыю расійскіх войскаў з 2015 года.
Цяпер чытаюць
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў26
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары