У Крамлі адказалі на прапанову Зяленскага сустрэцца з Пуціным на Данбасе
Уладзіміру Пуціну далажылі пра ідэю ўкраінскага лідара Уладзіміра Зяленскага сустрэцца ў Данбасе. Пра гэта паведаміў прадстаўнік Крамля Дзмітрый Пяскоў у эфіры радыёстанцыі «Комсомольская правда», піша РБК
«У апошнія дні запытаў не было», — сказаў Пяскоў.
Пяскоў адзначыў, што няма ўпэўненасці ў тым, што Пуцін азнаёміўся з гэтай ідэяй Зяленскага з-за рабочых сустрэч, а таксама з-за падрыхтоўкі да паслання Федэральнаму сходу.
20 красавіка Зяленскі запісаў відэазварот з прапановай Пуціну сустрэцца на Данбасе. Паводле яго слоў, на пасяджэнні палітычных дарадцаў «нармандскай чацвёркі» высунулі прапанову сустрэцца на лініі судакранання ў Данбасе, каб максімальна ўбачыць і зразумець сітуацыю.
«А што ж мне разумець? Я выдатна разумею, я там бываю кожны месяц. Спадар Пуцін, я гатовы пайсці яшчэ далей і прапанаваць вам сустрэцца ў любым пункце ўкраінскага Данбаса, дзе ідзе вайна», - сказаў Зяленскі.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары