Суд Кастрычніцкага раёна Мінска вынес прысуд 30-гадовай жанчыне, якая забіла мужа напярэдадні Новага года, паведамляе Tut.by са спасылкай на прэс-службу суда. У пары трое дзяцей, малодшаму — 4 гады.
Суд прызнаў яе вінаватай у забойстве. Увечары 31 снежня, будучы ў стане алкагольнага ап'янення, падчас сваркі, яна штурхнула свайго мужа, а потым ударыла яго нажом у грудзі. Ёй далі 10 гадоў калоніі агульнага рэжыму.
Прысуд не ўступіў у законную сілу і можа быць абскарджаны і апратэставаны ў апеляцыйным парадку.
Адносіны паміж мужам і жонкай на працягу некалькіх гадоў былі вельмі нацягнутымі. Яны не разводзіліся, бо стаялі на чарзе на будаўніцтва жылля як шматдзетная сям'я — выхоўвалі траіх непаўналетніх дзяцей.
31 снежня 2020 года муж і жонка зноў пасварыліся — з-за кавалка піцы, які мужчына захацеў з'есці яшчэ да пачатку застолля. Муж даў жонцы поўху, а тая ў адказ з усёй сілы яго штурхнула. Затым жанчына схапіла на кухні нож і ўдарыла мужа ў грудзі. Той памёр.
Цяпер чытаюць
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары