Даверчыя граматы Лукашэнку прывезлі паслы Расіі, Руанды, Нікарагуа, Сьера-Леонэ, Ірака і Саудаўскай Аравіі
Аляксандр Лукашэнка прыняў даверчыя граматы паслоў шасці краін.
Цырымонія прайшла ў Палацы Незалежнасці.
Даверчыя граматы кіраўніку беларускай дзяржавы ўручылі паслы Ірака, Нікарагуа, Расіі, Руанды, Саудаўскай Аравіі і Сьера-Леонэ.
Лукашэнка, напрыклад, расказаў паслам, што ў Беларусі загінуў кожны трэці яе жыхар, пераважна — мірнае насельніцтва. «Па сутнасці, гэта было мэтанакіраванае, жорсткае і бесчалавечнае вынішчэнне людзей, сапраўдны генацыд. Мы гэта памятаем і ў майскія дні штогод славім герояў, смуткуем аб шматмільённых нявінных ахвярах», — заявіў ён.
Таксама ён са шкадаваннем канстатаваў: сёння сітуацыя ў свеце далёкая ад спакойнай. Барацьбу за геапалітычны ўплыў, перадзел сфер інтарэсаў у эканоміцы абвастрыла пандэмія каранавіруса, якая яшчэ больш узмацніла супярэчнасці.
«Мы не можам гэта ігнараваць, дакладна так, як і вы, — адзначыў Лукашэнка. — Не стамлюся паўтараць, што толькі сам беларускі народ мае права вырашаць, якой павінна быць яго будучыня».
Ён таксама расказаў, што ў лютым у Мінску прайшоў Усебеларускі народны сход.
Цяпер чытаюць
Стаў вядомы сэнс крымінальнай «справы страхаўшчыкоў»11
Каментары