Сталі вядомыя прозвішчы людзей, якія трапілі пад новыя еўрапейскія санкцыі

Санкцыйны сьпіс з 78 чалавек і 8 арганізацый, якім замарожваюцца актывы і забараняецца выдача візаў у Эўразьвяз, будзе сёньня апублікаваны ў афіцыйным часопісе Эўразьвязу, такім чынам ён набудзе моц.

«Свабода» публікуе ўвесь санкцыйны сьпіс Эўразьвязу:

Судзьдзі, сьледчыя і пракуроры

• Натальля Бугук, судзьдзя Фрунзэнскага раёну Менску. Вынесла прысуд журналісткам «Белсату» Кацярыне Андрэевай і Дар’і Чульцовай.
• Аліна Касьянчык, памочніца пракурора ў судзе Фрунзэнскага раёну, удзельніца палітычна матываваных справаў супраць удзельнікаў мірных пратэстаў.
• Ігар Курыловіч, старшы сьледчы Сьледчага камітэту ў Фрунзэнскім раёне Менску. Адказны за завядзеньне палітычных крымінальных справаў.
• Сяргей Шаціла, судзьдзя Савецкага раёну Менску. Адказвае за шматлікія палітычна матываваныя пастановы супраць пратэстоўцаў, у прыватнасьці Натальлі Хершэ, Дзьмітрыя Галко і Дзьмітрыя Караткевічу.
• Анастасія Ачалава, судзьдзя Ленінскага раёну Менску. Палітычна матываваныя прысуды супраць журналістаў, пратэстоўцаў, пэнсіянэраў, у прыватнасьці чальца Каардынацыйнай рады Дзьмітрыя Крука.
• Марыя Ярохіна, судзьдзя Фрунзэнскага раёну Менску. Выносіла палітычныя прасуды спартоўцам, прафсаюзным дзеячам, журналістам, у прыватнасьці фатографу Ўладзю Грыдзіну.
• Юлія Блізьнюк, судзьдзя Фрунзэнскага раёну Менску. Выносіла прысуды супраць журналістаў, актывістаў і пратэстоўцаў, у прыватнасьці Арцёму Хвашчэўскаму, Арцёму Саўчуку, Максіму Паўлюшчыку.
• Анастасія Кулік, судзьдзя Першамайскага раёну Менску. Шматлікія палітычныя прысуды, у прыватнасьці адказная за зьняволеньне Аляксандра Захарэвіча.
• Максім Трусевіч, судзьдзя Першамайскага раёну Менску. Палітычныя прысуды актывістам, лідэрам апазыцыі і журналістам.
• Тацяна Матыль, судзьдзя Маскоўскага раёну Менску. Адказная, у прыватнасьці, за прысуды Міколу Статкевічу і журналісту Аляксандру Баразенку.
• Аляксандар Рудзенка, намесьнік старшыні Кастрычніцкага суду Менску. Адказвае за палітычна матываваныя пастановы супраць журналістаў, актывістаў, у прыватнасьці штрафы пэнсіянэрам і інвалідам, прысуд Людміле Казак, адвакатцы Марыі Калесьнікавай.
• Аляксандар Воўк, судзьдзя Савецкага раёну Менску. Прысуды супраць мірных дэманстрантаў, у прыватнасьці сёстрам Анастасіі і Вікторыі Міронцавым.
• Вольга Няборская, судзьдзя Кастрычніцкага раёну Менску. Вынесла прысуды Соф'і Малашэвіч і Ціхану Клюкачу.
• Марына Запасьнік, намесьніца старшыні Ленінскага суду Менску. Палітычыя прысуды Ўладзіславу Зяневічу, Вользе Паўлавай, Вользе Класкоўскай, Віктару Барушку, Сяргею Раткевічу, Аляксею Чарвінскаму, Андрэю Хранкову, студэнту Віктару Актыставу і непаўналетняму Максіму Бабічу.
• Максім Філатаў, судзьдзя ў Лідзе, Горадзенская вобласьць. Шэраг палітычных судоў, у прыватнасьці прысуд Вітольду Ашурку.
• Андрэй Грушко, судзьдзя Ленінскага раёну Берасьця. Вынес шэраг палітычна матываваных прысудаў.
• Дзьмітрый Гара, старшыня Сьледчага камітэту. Нясе адказнасьць за палітычна матываваныя крымінальныя справы супраць мірных пратэстоўцаў, журналістаў, звычайных грамадзян. Удзельнічаў у справе Сяргея Ціханоўскага.
• Аляксей Стук, намесьнік генэральнага пракурора. Нясе адказнасьць за палітычныя рэпрэсіі.
• Генадзь Дыско, намесьнік генэральнага пракурора. Удзельнічаў у ініцыяваньні справы супраць Сяргея Ціханоўскага.

Дэпутаты

• Сьвятлана Любецкая, дэпутатка Палаты прадстаўнікоў. На пасадзе старшыні парлямэнцкай камісіі па заканадаўстве адказвае за прыняцьце новага кодэксу РБ аб адміністрацыйных парушэньнях, які дазваляе адвольныя арышты і павышае адказнасьць за ўдзел у масавых мерапрыемствах.
• Аляксей Ягораў, чалец Палаты прадстаўнікоў, сябра камісіі заканадаўства. Адказны за прыняцьце новага Адміністрацыйнага кодэксу.
• Аляксандар Амельянюк, чалец Палаты прадстаўнікоў. Сябра камісіі заканадаўства. Адказны за прыняцьце новага Адміністрацыйнага кодэксу.
• Алег Гайдукевіч, дэпутат Палаты прадстаўнікоў, намесьнік старшыні Камісіі па міжнародных справах. 

Дзяржаўныя СМІ і прапаганда

• Андрэй Мукавозчык, палітычны аглядальнік «Беларусь сегодня».
• Сяргей Гусачэнка, намесьнік старшыні Белтэлерадыёкампаніі.
• Генадзь Давыдзька, чалец Палаты Прадстаўнікі, старшыня Камітэту па правах чалавека і СМІ.
• Вольга Чамаданава, прэс-сакратарка МУС.

Адміністрацыя ВНУ

• Сяргей Скрыба, намесьнік рэктара Беларускага дзяржаўнага эканамічнага ўнівэрсытэту.
• Сяргей Рубніковіч, рэктар Беларускага дзяржаўнага мэдычнага ўнівэрсытэту.
• Аляксандар Бахановіч, рэктар Берасьцейскага дзяржаўнага тэхнічнага ўнівэрсытэту.
• Міхаіл Баразна, рэктар Беларускай дзяржаўнай акадэміі мастацтваў.

Чыноўнікі, функцыянэры, бізнэсоўцы

• Максім Рыжанкоў. Першы намесьнік старшыні Адміністрацыі прэзыдэнта.
• Дзьмітрый Лукашэнка.
• Лілія Лукашэнка.
• Валерый Іванковіч. Генэральны дырэктар «МАЗ».
• Аляксандар Шатроў. Бізнэсовец, уладальнік і дырэктар кампаніі Synesis.
• Сяргей Цяцерын. Бізнэсовец, уладальнік кампаніі BELGLOBALSTART, саўладальнік VIBEL. Старшыня Беларускай фэдэрацыі тэнісу. Набліжаны да атачэньня Лукашэнкі.
• Міхаіл Гуцэрыеў. Расейскі бізнэсовец зь бізнэс-інтарэсамі ў Беларусі, уладальнік кампаніяў Сафмар, Слаўкалій і Слаўнафта.
• Аляксей Алексін. Адзін зь вядучых бізнэсоўцаў Беларусі, саўладальнік Bremino Group. Мае шырокія інтарэсы ў нафтавай галіне, энэргетыцы, нерухомасьці, лягістыцы, тытунёвай галіне.
• Аляксандар Зайцаў. Бізнэсовец, саўладальнік Bremino Group і Sohra Group. Былы памочнік Віктара Лукашэнкі. Яго кампаніі прадстаўлена права на экспарт прадукцыі дзяржаўных прадпрыемстваў (трактары, грузавыя аўтамабілі) у Пэрсыдзкую затоку і афрыканскія краіны.
• Іван Мысьліцкі. Першы намесьнічк начальніка Дэпартамэна выкананьня пакараньняў МУС.
• Алег Белякоў. Намесьнік начальніка Дэпартамэнта выкананьня пакараньняў МУС.
• Уладзіслаў Мандрык. Намесьнік начальніка Дэпартамэнта выкананьня пакараньняў МУС. Н
• Алег Лашчыноўскі. Былы намесьнік начальніка Дэпартамэнта выкананьня пакараньняў МУС.
• Жана Батурыцкая. Начальніца ўпраўленьня выкананьня прысудаў Дэпартамэнта выкананьня пакараньняў МУС.
• Дзьмітрый Стрэбкоў. Начальнік турмы нумар 8 у Жодзіне.
• Яўген Шапецька. Начальнік Цэнтра ізаляцыі правапарушальнікаў (Акрэсьціна).
• Ігар Кенюх. Начальнік Ізалятара часовага ўтрыманьня (Акрэсьціна).
• Глеб Дрыль. Намесьнік начальніка Ізалятара часовага ўтрыманьня (Акрэсьціна).
• Уладзімер Лапыр. Намесьнік начальніка Ізалятара часовага ўтрыманьня (Акрэсьціна).
• Аляксандар Васілюк. Кіраўнік сьледчай групы Галоўнага сьледчага ўпраўлення Сьледчага камітэту.
• Яўген Архірэеў. Кіраўнік Галоўнага сьледчага ўпраўлення Сьледчага камітэту.
• Аляксей Каўрыжкін. Кіраўнік сьледчай групы, Галоўнае сьледчае ўпраўленне Сьледчага камітэту.
• Аляксандар Агафонаў. Першы намесьнік кіраўніка Галоўнага сьледчага ўпраўлення Сьледчага камітэту. Адказны за перасьлед па палітычных матывах і арышты Сяргея Ціханоўскага, Мікалая Статкевіча і Дзьмітрыя Казлова.
• Канстанцін Бычак. Начальнік аддзелу сьледчагаўпраўлення КДБ. Курыраваў палітычна матываванае расьсьледаваньне справы Віктар Бабарыкі.
• Андрэй Бакач. Начальнік Першамайскага РУУС Менска.
• Аляксандар Палулех. Начальнік Фрунзэнскага РУУС Менска.
• Аляксандар Захвіцэвіч. Намесьнік начальніка Фрунзэнскага РУУС Менска.
• Сяргей Ушакоў. Намесьнік начальнікв Фрунзэнскага РУУС Менска.
• Сяргей Арцёменка. Намесьнік начальніка Першамайскага РУУС Менска.
• Аляксандар Рыдзецкі. Былы начальнік Кастрычніцкага РУУС Менска, кіраўнік упраўленьня унутранай бясьпекі Дзяржаўнага камітэта судовых экспертыз.
• Дзьмітрый Бурдзюк. Начальнік Кастрычніцкага РУУС Менска, былы начальнік Партызанскага РУУС Менска.
• Віталь Капілевіч. Начальнік Ленінскага РУУС Менска.
• Кірыл Кіслоў. Начальнік Завадзкога РУУС Менска.
• Сяргей Варэйка, начальнік Маскоўскага РУУС Менску.
• Сяргей Дубавік, намесьнік начальніка Ленінскага РУУС Менску. 
• Аляксандар Андрыеўскі, намесьнік начальніка Фрунзэнскага РУУС Менску. 
• Віталь Макрыцкі, намесьнік начальніка Кастрычніцкага РУУС Менску (да 17 сьнежня 2020). Начальнік Партызанскага РУУС. 
• Яўген Урублеўскі, старэйшы сяржант міліцыі ў Цэнтры ізаляцыі правапарушальнікаў (Акрэсьціна). 
• Мікалай Карпянкоў, намесьнік міністра ўнутраных справаў, былы начальнік ГУБАЗіК. 
• Міхаіл Грыб, начальнік ГУУС Менгарвыканкаму. 
• Віктар Хрэнін, міністар абароны. Адказвае за прымусовую пасадку рэйсу Ryanair.
• Ігар Голуб, камандуючы Ваенна-паветранымі сіламі і войскамі супрацьпаветранай абароны. Адказвае за прымусовую пасадку рэйсу Ryanair.
• Андрэй Гурцэвіч, начальнік галоўнага штаба — першы намесьнік камандуючага ВПС і войскамі супрацьпаветранай абароны. Адказвае за прымусовую пасадку рэйсу Ryanair.
• Леанід Чуро, гендырэктар «Белаэранавігацыі». Адказвае за прымусовую пасадку рэйсу Ryanair.
• Аляксей Аўраменка, міністар транспарту. Адказвае за прымусовую пасадку рэйсу Ryanair.
• Арцём Сікорскі, дырэктар аддзелу авіяцыі Міністэрства транспарту. Адказвае за прымусовую пасадку рэйсу Ryanair.

Раней, у кастрычніку, лістападзе і сьнежні Эўразьвяз увёў тры пакеты санкцый супраць уладаў Беларусі. Абмежавальныя захады тычацца афіцыйных асобаў, а таксама некаторых прадпрыемстваў. Агулам у санкцыйным сьпісе тады знайшліся 84 асобы, якім забаронены ўезд у краіны ЭЗ. У сьпіс уваходзіць Аляксандар Лукашэнка, ягоны сын Віктар Лукашэнка, кіраўніца ЦВК Лідзія Ярмошына, старшыня КДБ Іван Тэртэль, старшыня Сьледчага камітэту Іван Наскевіч, генпракурор Андрэй Швэд і іншыя сілавікі, а таксама судзьдзі і чальцы выбарчых камісіяў.

Сярод іншага, ЭЗ увёў санкцыі супраць юрыдычных асобаў: ЗАТ «Белтэхэкспарт», «Дана Холдынгз/Дана Астра», Кіраўніцтва справаў прэзыдэнта Беларусі, ТАА «Сінэзіс», ААТ «АГАТ — электрамэханічны завод», ААТ «140-ы рамонтны завод» і ААТ «Менскі завод колавых цягачоў».

• 0
• 0
• 0
• 0
• 0
• 0