Суд Лос-Анджэлеса адмовіўся задаволіць прашэнне адвакатаў Брытні Спірс, якія патрабавалі спыніць апеку бацькі над ёй, піша meduza.io са спасылкай на Variety.
Рашэнне суда звязана з папярэднім хадайніцтвам абаронцаў спявачкі і не прымае пад увагу паказанні, з якімі Брытні Спірс выступіла тыднем раней у судзе.
У лістападзе 2020 года суддзя Брэнда Пені пагадзілася ўключыць у лік апекуноў Брытні Спірс прыватную фінансавую кампанію Bessemer Trust. Пасля гэтага адвакаты запатрабавалі, каб бацька спявачкі Джэймс Спірс быў выключаны з яе апякунства. Цяперашняе рашэнне суда тычыцца менавіта гэтага прашэння, тлумачыць выданне.
23 чэрвеня Брытні Спірс упершыню за два гады выступіла ў судзе, запатрабаваўшы спыніць апеку над сабой.
Яна заявіла, што яе прымушаюць працаваць, прымаць літый, а таксама забараняюць выдаліць унутрыматачную спіраль, каб зноў зацяжарыць. Адвакаты спявачкі пакуль юрыдычна не аформілі і не падалі ў суд яе новыя патрабаванні.
Брытні Спірс знаходзіцца пад апекай свайго бацькі з 2008 года, калі яна трапіла ў псіхіятрычную бальніцу з-за праблем з алкаголем і наркотыкамі. Апякунства прадугледжвае поўны кантроль над яе жыццём і фінансамі. Пры гэтым спявачка працягвае выпускаць альбомы і выступаць з канцэртамі, зарабляючы мільёны даляраў. Фанаты Брытні Спірс ужо некалькі гадоў будуюць тэорыі аб тым, што спявачка знаходзіцца пад апекай супраць сваёй волі.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень8
Каментары