У дачыненні да Анжалікі Агурбаш распачатая крымінальная справа за распальванне варожасці, а таксама за абразу прэзідэнта.
Паводле пракуратуры, са жніўня мінулага года яна размяшчала ў інтэрнэце, сацыяльных сетках і на YouTube звесткі, накіраваныя на распальванне сацыяльнай варожасці і варожасці ў дачыненні да сілавікоў і дзяржслужачых. Акрамя таго, яна апублікавала звесткі, «якія змяшчаюць абразы прэзідэнта, злучаныя з абвінавачваннем яго ў здзяйсненні асабліва цяжкіх злачынстваў».
У дачыненні да абвінавачванай абраная мера стрымання ў выглядзе змяшчэння пад варту. У Генеральную пракуратуру Расіі ў чэрвені 2021 года накіравана просьба аб выдачы Анжалікі Агурбаш для прыцягнення да крымінальнай адказнасці.
Арт. 130 КК (Распальванне варожасці) прадугледжана да 12 гадоў пазбаўлення волі. 368 КК (Абраза прэзідэнта) — да трох гадоў.
Нагадаем, што пра крымінальныя справы Анжаліка Агурбаш паведаміла ў пятніцу ў сваім інстаграме.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары