30 ліпеня – 13 жніўня ў Светлагорску арганізуецца чарговая моладзевая археалагічная экспедыцыя. Месца археалагічных раскопак: каля вёскі Адрубы Кабанаўскага сельскага савета Жлобінскага раёна Гомельскай вобласці.
30 ліпеня – 13 жніўня ў Светлагорску арганізуецца чарговая моладзевая археалагічная экспедыцыя. Месца археалагічных раскопак: каля вёскі Адрубы Кабанаўскага сельскага савета Жлобінскага раёна Гомельскай вобласці.
Экспедыцыю наладжвае Светлагорская раённая арганізацыя грамадскага аб’яднаньня «Таварыства беларускай мовы імя Францыска Скарыны». Раскопкамі кіруе навуковы супрацоўнік Інстытута гісторыі Нацыянальнай Акадэміі навук Беларусі (г. Мінск).
Ад’езд удзельнікаў са Светлагорска: 30 ліпеня ў 6 гадзін з чыгуначнай станцыі: 5 км на цягніку, затым – 15 км пешаходным спосабам. Цяжкі рыштунак адвозіцца са Светлагорска да месца раскопак на аўтамабілі.
Вяртанне ў Светлагорск: 13 жніўня, для іншагародніх удзельнікаў магчымы ад’езд праз Жлобін.
Да ўдзелу ў экспедыцыі запрашаюцца дзяўчыны і юнакі, якія цікавяцца гісторыяй, турысцкімі вандроўкамі – навучэнцы 9 - 11 класаў, студэнты, моладзь. Удзел у экспедыцыі – дабраахвотны і неаплатны. Валанцёры працуюць па 4 гадзіны ў дзень на раскопках старажытнага гарадзішча, астатні час прысвячаецца адпачынку.
Экспедыцыя праводзіцца ў маляўнічым месцы на беразе ракі Бярэзіна. Валанцёры самастойна усталёўваюць намётавы летнік; харчаванне гатуюць на вогнішчы. Усе пытанні ў летніку вырашаюцца на прынцыпах самакіравання. Удзельнікі мусяць не баяцца складанасцей, мець моцны характар і заўсёды быць гатовымі прыйсці на дапамогу сябрам. Вынікі раскопак з’яўляюцца матэрыялам для навукі. Актыўныя ўдзельнікі заахвочваюцца пісьмовымі падзякамі Інстытута гісторыі Нацыянальнай Акадэміі навук Беларусі.
Валанцёры павінны мець уласны рыштунак (намёт і іншае). Светлагорская арганізацыя ТБМ і Інстытут гісторыі забяспечваюць харчаванне ў экспедыцыі, частковую аплату праезду.
Усе, хто зацікавіўся, могуць атрымаць дапаўняльную інфармацыю (спіс неабходнага рыштунку, звесткі аб археалагічных даследваннях на гарадзішчы Адрубы, фотаздымкі з экспедыцый папярэдніх гадоў і іншую):
паштовы адрас - аддзяленьне сувязі № 2, абанентная скрыня 32, г. Светлагорск, Гомельская вобл., 247432, Беларусь;
тэлефоны - (+375) (0)(2342) 2 95 24 – Кірыл Ксянзоў; (0)(2342) 4 69 33, (0)(29) 236 55 56 – Марыяна Мірчук, 4 76 13 – факс;
электронны адрас - [email protected].
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары