Як сцвярджае міністэрства адукацыі, гэта дапаможа дзецям сфарміраваць марксісцкія перакананні.
Кітай увядзе ў школьную праграму прадмет, прысвечаны палітычным поглядам кіраўніка дзяржавы Сі Цзіньпіна. Ідэалогію генсека кітайскай кампартыі будуць выкладаць пачынаючы ад пачатковай школы і нават пасля паступлення навучэнца ва ўніверсітэт.
Вучэнне «Думкі Сі Цзіньпіна» ўключае ў сябе 14 асноўных прынцыпаў, якія датычацца камуністычных ідэалаў. Таксама сістэма поглядаў кітайскага кіраўніка ўключае ў сябе заклік да рэформаў і новых ідэй, абяцанне гармоніі паміж чалавекам і прыродай, павагу да поўнай улады партыі над арміяй і ідэю інтэграцыі Ганконга, Макао і Тайваня з Кітаем на асаблівых умовах, піша ВВС.
У 2018 годзе канцэпцыя «Думкі Сі Цзіньпіна» была ўведзеная ў Канстытуцыю краіны. З таго часу адпаведны прадмет быў уведзены ў некаторых універсітэтах і, у якасці факультатыву, у некаторых навучальных установах для дзяцей школьнага веку. Але цяпер ідэалогію кітайскага кіраўніка будуць выкладаць нашмат больш грунтоўна.
Як паведамляе кітайскае выданне Global Times, у пачатковых школах навучанне будзе звязанае з выхаваннем любові да краіны, кітайскай кампартыі і сацыялізму. У сярэдніх школах фокус змесціцца на спалучэнне вопыту ўспрымання і вывучэння ведаў, каб дапамагчы навучэнцам сфарміраваць базавыя палітычныя думкі і меркаванні.
Цяпер чытаюць
«Я не хачу адпускаць жыццё». У пісьменніцы Святланы Курс рак на позняй стадыі10
Каментары