4 верасня ў міліцыю патэлефанаваў 48-гадовы жыхар Мінска, які паведаміў аб тым, што забіў чалавека ў Чашніцкім раёне.
У гэты дзень мужчына прыехаў у Чашніцкі раён. Праязджаючы па вёсцы, у гаражы ён убачыў свайго 43-гадовага знаёмага і пад'ехаў да яго пагаварыць. Паміж мужчынамі ўзнік канфлікт, у выніку якога мінчук стрэліў са стрэльбы ў свайго апанента. Сваякі пацярпелага, пачуўшы стрэл, выбеглі на вуліцу і пачалі аказваць першую медыцынскую дапамогу, аднак выратаваць мужчыну не ўдалося.
У гэты час падазраваны патэлефанаваў у праваахоўныя органы, паведаміў пра здарэнне і прыехаў на сваё лецішча, дзе праз некаторы час яго затрымалі праваахоўнікі.
Падазраваны з'яўляецца паляўнічым і мае дазвол на захоўванне паляўнічай зброі. Распачатая крымінальная справа па ч. 1 арт. 139 (Забойства) Крымінальнага кодэкса Рэспублікі Беларусь.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары