Міністр абароны назваў вучэнні «Захад-2021» выразным сігналам для калектыўнага Захаду
Урачыстая цырымонія закрыцця сумесных вучэнняў «Захад-2021» прайшла на палігоне «Абуз-Лясноўскі».
Міністр абароны Віктар Хрэнін, падводзячы вынікі вучэнняў, заявіў, што сур'ёзная ўвага была нададзена асваенню новых спосабаў дзеянняў войскаў, якія прайшлі апрабацыю ў Сірыі і іншых ваенных канфліктах, таксама падчас вучэнняў адпрацаваныя пытанні прымянення тактычных і аператыўных дэсантаў, вядзення ўзброенай барацьбы на часова акупаванай тэрыторыі сіламі тэрытарыяльных войскаў.
«Самае галоўнае, нашы камандзіры, камандуючыя, штабы атрымалі практыку планавання сумесных дзеянняў. Нам удалося прадэманстраваць, што мы можам забяспечыць незалежнасць, тэрытарыяльную цэласнасць і суверэнітэт Саюзнай дзяржавы.
Гэта выразны і ясны сігнал для калектыўнага Захаду аб тым, што размова з пазіцыі сілы з народамі Беларусі, Расіі, Казахстана — бесперспектыўная. Мы нацэлены на дыялог», — сказаў Віктар Хрэнін.
-
«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне
-
«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы
-
Застаўся без парэчак. Уладальнік гадавальніка пад Мінскам — пра тое, як надвор’е паўплывала на працу
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню49
Каментары