Падпісаны новы ўказ. Атрымліваць пенсіі і заробкі можна будзе на базавы рахунак у банку
Аляксандр Лукашэнка падпісаў указ №363 «Аб бягучым (разліковым) банкаўскім рахунку фізічнай асобы з базавымі ўмовамі абслугоўвання».
Як паведамляе БелТА, дакумент прыняты ў мэтах павышэння якасці і даступнасці банкаўскіх паслуг і сацыяльнай абароненасці грамадзян.
Указам вызначаецца права фізічнай асобы на адкрыццё аднаго базавага рахунку ў банкаўскай сістэме, а таксама мінімальны пералік бясплатных плацежных аперацый з яго выкарыстаннем.
Для фізічных асоб, якія жадаюць атрымліваць сацыяльныя і прыроўненыя да іх выплаты ў безнаяўнай форме, прадугледжана абавязковасць адкрыцця базавага рахунку. Пераход да новай практыкі будзе паступовым, да 1 ліпеня 2025 года. Пры гэтым наяўныя магчымасці па атрыманні сацыяльных выплат у наяўнай форме не абмяжоўваюцца.
Таксама прадугледжаны абавязак наймальніка пералічваць фізічнай асобе грашовыя сродкі ў выглядзе заработнай платы і прыроўненых да яе выплат на базавы рахунак, пазначаны фізічнай асобай.
То-бок вынікае, што цяпер не абавязкова карыстацца заробкавым рахункам ад працадаўцы.
Прынятыя рашэнні дазволяць грамадзянам мінімізаваць выдаткі па найбольш запатрабаваных аперацыях банкаў.
Асноўныя палажэнні ўказа ўступаюць у сілу з 1 сакавіка 2022 года.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары