Кошцы, якая страціла лапку, упершыню паставілі пратэз беларускай вытворчасці
Унікальную аперацыю правялі ветэрынары ў Гродне.
У адной з гарадскіх клінік ветэрынар з Ліды Павел Жульпа прааперыраваў кошку з Баранавіч, прывезеную валанцёрамі. Жывёла раней страціла заднюю лапку. Цяпер у кошкі зноў з'явіцца магчымасць паўнавартасна перасоўвацца, паведамляе БелТА.
Досвед пратэзавання ў ветэрынараў з Ліды ўжо быў, але раней для гэтага выкарыстоўвалі расійскія вырабы. У гэты раз тытанавыя пратэзы на 3D-прынтары аддрукавала адна з мінскіх кампаній.
«Гэта вельмі складаны, карпатлівы працэс. Раней заказвалі пратэзы ў Новасібірску. Даводзілася чакаць іх па 3-4 месяцы. Цяпер жа можам паскорыць гэтую працэдуру, ды і прасцей, калі ёсць магчымасць кантраляваць выраб», — распавёў Павел Жульпа.
Пратэзы пакрытыя спецыяльным складам, каб лепш прыжываліся да костак кошкі.
Пасля аперацыі пацыентка пачуваецца добра. Галоўны паказчык, з усмешкай адзначае ветэрынар, добры апетыт. Звычайна асаблівай фізічнай рэабілітацыі не патрабуецца, кошцы трэба проста прывыкнуць, што ў яе зноў ёсць лапка.
Удзельнічалі ва ўнікальнай аперацыі студэнты і выкладчыкі Гродзенскага дзяржаўнага аграрнага ўніверсітэта. У перспектыве ва ўніверсітэце плануецца арганізаваць сучасную ветклініку, дзе будуць праводзіць і такія аперацыі з прымяненнем высокіх тэхналогій. Плануецца весці прафарыентацыю: бліжэй знаёміць школьнікаў з прафесіяй ветэрынара.
У найбліжэйшы час запланаваны яшчэ некалькі аперацый па пратэзаванні канечнасцяў у жывёл. У лісце чакання кот і сабака, што трапіў пад цягнік.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек1
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары