У Лідзе ўпершыню ў краіне зрабілі пратэз кату, у якога была ампутаваная лапка
У Лідзе ўпершыню ў краіне зрабілі аперацыю па пратэзаванні канечнасці ў жывёлы. Унікальны эксперымент правялі ветэрынары з Ліды Павел Жульпа і з Гродна Андрэй Елісееў. Аперацыя доўжылася больш за тры гадзіны і прайшла паспяхова, паведамляе тэлеканал «Гродна Плюс».
Двухгадовы кот Філя год таму атрымаў хімічныя траўмы, з-за якіх ветэрынарам прыйшлося ампутаваць яму заднюю лапку.
Лідскі ветдоктар Павел Жульпа адважыўся на найскладанейшую аперацыю па пратэзаванні канечнасці. Ён вучыўся ў расійскага ветэрынара — хірурга Сяргея Гаршкова. Па замове Лідскага калегі ў Новасібірску пры дапамозе 3D-прынтара вырабілі пратэз. Выраб зрабілі з сплаву тытана і гідраксіапатыту. Важыць пратэз усяго некалькі грамаў.
Аперацыя праходзіла ў некалькі этапаў.
Павел Жульпа распавёў, што складанасць аперацыі была ў тым, што працавалі спецыялісты з вельмі маленькімі памерамі. Важна было правільна прасвідраваць костку, уставіць у лапку імпланты і ушыць кульцю так, каб потым не было ўскладненняў — і ўсё атрымалася.
Зараз, як кажуць ветэрынары, неабходна час, каб пратэз ужыўся ў косць, і тады Філя зможа паўнацэнна карыстацца сваёй новай штучнай лапкай.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі31
Каментары