Жыхарку Магілёва асудзілі на тры гады калоніі за паклёп на Лукашэнку
Ганна Ільіна была затрыманая 27 ліпеня. Першапачаткова ёй выставілі абвінавачанне па арт. 368 КК РБ (Абраза Лукашэнкі), але затым ёй змянілі артыкул на больш цяжкі.
Адзначаецца, што 11 жніўня невядомыя размясцілі відэаролік з удзелам Ільіной на яе старонцы ва «УКантакце». Там яна заявіла, што, «сумленна памыляючыся ў сваіх перакананнях, у сваім фэйсбуку, у пасце, абгаварыла ненаўмысна прэзідэнта Рэспублікі Беларусь».
У Магілёўскім СІЗА №4, дзе Ільіна чакала суда, яе прызналі «схільнай да экстрэмізму», паведамляюць праваабаронцы.
Паводле абвінавачвання ў паклёпе ёй пагражала пазбаўленне волі да шасці гадоў.
Суд па крымінальнай справе пачаўся 13 кастрычніка. Суддзёй выступіла Наталля Панасенка. Вынік — тры гады калоніі агульнага рэжыму.
Падрабязнасці справы невядомыя: пасяджэнне без якіх-небудзь значных прычын праводзілася ў закрытым рэжыме.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары