«Наша Ніва» звязалася з бацькам Максіма Карпука, інжынера авіякампаніі «Гродна». Імя Максіма — у спісе загінулых у авіякатастрофе самалёта АН-12 пад Іркуцкам.
Самалёт беларускай авіякампаніі «Гродна» пацярпеў крушэнне ў Расіі. Сярод загінулых — трое беларусаў
Мужчына кажа: «Мы звязваліся з сынам праз Вайбер пару дзён таму. Ён пазваніў, калі яны прыбылі ці то ў Сургут, ці то Усурыйск. Усё было нармальна. Сын, праўда, казаў, што дакладна не ведаў, чаго яны туды ляцяць».
Па словах бацькі, сын расказваў, што нейкі планавы рамонт перад вылетам самалёт прайшоў, ніякіх скаргаў на лайнер не было.
«Максім скончыў тэхнікум у Мінску, пасля атрымаў яшчэ адну адукацыю, стаў інжынерам у мінулым годзе.
Ён не лятаў звычайна, працаваў на месцы. Яго праца — рамантаваць самалёт. Гэта быў яго першы палёт, першая камандзіроўка, бо патрэбныя інжынеры былі недзе на курсах, не было каго адпраўляць».
Адзначым, што пра трагедыю бацька Максіма Карпука даведаўся ад журналістаў. З ім не звязваліся прадстаўнікі авіякампаніі.
Мужчына спадзяецца, што гэта нейкая памылка, бо летась у яго памерла жонка, сёлета — маці.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна24
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары