Беларусь пачала пастаўку электраэнергіі ва Украіну. Але гэта не доўгатэрміновы кантракт
Як паведамляе Мінэнерга, з сённяшняга дня беларуская электраэнергія пачала паступаць ва ўкраінскую энергасістэму. Згодна з кантрактам, пастаўляць электраэнергію Беларусь будзе на працягу лістапада.
Расійскі «Коммерсант» адзначае, напрыканцы кастрычніка ўкраінская кампанія «Энергаатам» выкупіла 885 з 900 даступных МВт магутнасцяў міждзяржаўных ліній электраперадач, каб у лістападзе імпартаваць энергію з Беларусі. Яшчэ 15 МВт набыла кампанія «Электра кам'юніці».
Апошняя заявіла, што разглядае Беларусь у якасці рэзервовага пастаўшчыка электраэнергіі ў краіну на выпадак дэфіцыту магутнасці.
Пры гэтым, як піша delfi.lt, украінскае Мінэнерга заявіла, што не мае доўгатэрміновых кантрактаў на пастаўку электраэнергіі з Беларусі.
Нагадаем, што 2 кастрычніка Украіна папрасіла ў Беларусі дапамогі ў аварыйных пастаўках электраэнергіі. Суседняя краіна папрасіла каля 3500 МВт, з-за недахопу магутнасці ў энергасістэме.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары