Пра сітуацыю з мігрантамі расказала прэс-сакратар Лукашэнкі Наталля Эйсмант, піша БелТА.
«Так, у развіццё размоў з канцлерам Нямеччыны я праінфармую аб абстаноўцы на гэты момант.
На сённяшні дзень на тэрыторыі Беларусі знаходзіцца каля 7 тыс. бежанцаў. З іх на мяжы — у так званым стыхійным лагеры — каля 2 тысяч чалавек. І ад 200 да 500 чалавек — паводле наяўнай інфармацыі — таксама знаходзяцца на мяжы, але стыхійна, у іншых кропках. Гэта бежанцы, якіх палякі спрабавалі сілай выкінуць за межы Польшчы пасля таго, як людзі туды ўжо праніклі», — адзначыла Наталля Эйсмант.
Яна распавяла, што ў ходзе першай размовы з Ангелай Меркель механізм, які прапанаваў Лукашэнка, быў наступным:
«Еўрапейскі саюз стварае гуманітарны калідор для 2 тысяч бежанцаў, якія знаходзяцца ў лагеры. Мы бярэм на сябе абавязацельства садзейнічаць (наколькі гэта магчыма і пры іх жаданні) астатнім пяці тысячам вярнуцца на радзіму. І Ангела Меркель, згодна з дамоўленасцямі, будзе весці перамовы з ЕС, у тым ліку па арганізацыі гуманітарнага калідора ў Нямеччыну».
«Як бачыце, нават ужо на сённяшні дзень, мы свае абавязацельствы выконваем! Так, на жаль, толькі каля 400 бежанцаў пагадзіліся вярнуцца на радзіму. Усяго, калі быць дакладнымі, у самалёце, які паляцеў сёння — 374 пасажыры, пераважна грамадзяне Ірака», - адзначыла прэс-сакратар.
Паводле яе слоў, астатнія, хто знаходзіцца ў Беларусі, — працягваюць настойваць на забеспячэнні гуманітарнага калідора ў Заходнюю Еўропу, і перш за ўсё ў Нямеччыну.
«Гэта значыць, пакуль яны катэгарычна адмаўляюцца паляцець, але мы будзем над гэтым працаваць. І тым не менш, ужо можна казаць пра тое, што праца міграцыйных службаў Беларусі сумесна з Міністэрствам замежных спраў дала вынік. Мы выконваем свае абяцанні. Прытым, што з боку ЕС пакуль не выканана ніводнага абавязацельства», — звярнула ўвагу Наталля Эйсмант.
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары