Улада

Лукашэнка пра Украіну: Валодзя Зяленскі выпадковы чалавек, украінскія вайскоўцы самі папрасілі Расію выратаваць Крым, ва ўкраінскай арміі фашызм

Лукашэнка ў інтэрв'ю расійскаму прапагандысту Дзмітрыю Кісялёву выказаўся пра Украіну.

У некаторых падраздзяленнях украінскай арміі даходзяць да фашызму, сцвярджае ён.

Са слоў палітыка, цяпер украінская армія «мякка кажучы, вельмі нацыяналістычная, калі не сказаць больш».

«Там ужо некаторыя падраздзяленні, часткі і кіраўнікі даходзяць да фашызму. Я гэта бачу. Можа быць, больш, чым нехта іншы, паколькі гэта побач, пад бокам», — заявіў Аляксандр Лукашэнка.

Украінскія вайскоўцы самі прапанавалі расейскім калегам у 2014 годзе «выратаваць Крым ад уварвання NATO», і пра гэта далажылі Уладзіміру Пуціну, сцвярджае Лукашэнка, называючы «выратаваннем» акупацыю паўвострава, прызнаную такой міжнароднай супольнасцю.

Аляксандр Лукашэнка адзначыў, што Крым перайшоў да Расіі «без супраціву ўкраінскіх вайскоўцаў, бо была дамоўленасць з расійскімі вайскоўцамі».

«Яны выйшлі на расіян, гэта было не на самым высокім узроўні… Вайскоўцы. Была размова (як звычайна… і завязалася размова, малайцы, вядома, украінцы), яны папярэдзілі расіян, што Крым будзе расійскім, калі мы не прымем пэўныя дзеянні. Ён не будзе і ўкраінскім. А чыім? Натаўскім. Тады НАТА было заточана на Крым. І пасля чарговай сустрэчы з расіянамі… Яны прапанавалі: вы там свайму скажыце прэзідэнту, што пытанне Крыма трэба вырашаць. Па маіх даных, прэзідэнту Расіі было дакладзена», — сказаў Аляксандр Лукашэнка.

Таксама Лукашэнка выказаўся пра Зяленскага.

«Ну які ён палітык? Ён проста чалавек, што выпадкова трапіў у гэтую заварушку. Я лічу, што ў палітыцы гэта абсалютна выпадковы чалавек. Як і Валодзя Зяленскі сёння апынуўся зусім выпадковым чалавекам, хоць ён і кіраўнік дзяржавы», — сказаў Аляксандр Лукашэнка.

Таксама Лукашэнка расказаў, што Пуцін нібыта прапаноўваў Парашэнку аднавіць Данбас.

Са слоў беларускага палітыка, Уладзімір Пуцін прапаноўваў Пятру Парашэнку дапамогу ў аднаўленні Данбаса. «Пуцін мне проста пра гэта сказаў. Я гэта падкрэсліваў. І вы ведаеце, Парашэнка ўрэшце пагадзіўся. Але на працягу месяца ён пачаў усё рабіць наадварот. Чаму? Таму што хлопец знаходзіўся пад знешнім кіраваннем», — запэўнівае Лукашэнка.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Вылецела ў невядомым кірунку спікерка КР Анжаліка Мельнікава30

Вылецела ў невядомым кірунку спікерка КР Анжаліка Мельнікава

Усе навіны →
Усе навіны

Магутны землятрус у М'янме. Паніка ў Бангкоку2

У міліцыі назвалі памер хабару, які ўзяў намеснік дырэктара Беларускай чыгункі6

Мінчукі размятаюць свежы бярозавік1

Пуцін прапанаваў увесці знешняе кіраванне ва Украіне для правядзення выбараў і паабяцаў дабіць УСУ20

У міліцыі расказалі, як знайшлі забойцу двух чалавек у Рагачоўскім раёне1

305 рублёў за цукарніцу, 456 за заварнік: цэны ў анлайн-краме Свята-Елісавецінскага манастыра шакуюць19

Аперацыя па пошуку салдатаў ЗША, што праваліліся ў балота ў Літве, доўжылася ўсю ноч2

Гэты маленькі звярок можа раскрыць сакрэт барацьбы са старэннем6

«Рыхтавацца да найгоршага»: Макрон заявіў, што ў Парыжы абмяркоўвалі планы падтрымкі Украіны без ЗША2

больш чытаных навін
больш лайканых навін

Вылецела ў невядомым кірунку спікерка КР Анжаліка Мельнікава30

Вылецела ў невядомым кірунку спікерка КР Анжаліка Мельнікава

Галоўнае
Усе навіны →

Заўвага:

 

 

 

 

Закрыць Паведаміць