Лукашэнка пра ўдзел у выбарах: Можна было не ісці на гэтыя выбары, але я паступіў геніяльна
Лукашэнка ў інтэрв'ю прапагандысту Кісялёву назваў рашэнне балатавацца на прэзідэнцкіх выбарах у жніўні 2020 года самым важным у жыцці.
«Я ўжо гатовы быў, каб людзі абралі свайго новага чалавека. Можна было не ісці на гэтыя выбары, але я паступіў, даруй за нясціпласць, геніяльна. Да выбараў публічна я сказаў: ведаеце, я не магу не ісці на гэтыя выбары. Калі раптам нешта здарыцца (вайна, перавернуць краіну і іншае), і я не пайшоў на іх, і пасля выбараў гэта адбудзецца, вы ж мяне абвінаваціце, што я збег, я баязлівец. Слухай, я як у ваду глядзеў», — сказаў Аляксандр Лукашэнка.
Па словах палітыка, ён у той сітуацыі вырашыў балатавацца «не таму што вялікі, а таму што абараняў сваю справу».
Пры гэтым Лукашэнка сцвярджае, што ўлады не фальсіфікавалі выбары.
«Добра, што я пайшоў на гэтыя выбары. Прабач мяне за нясціпласць, гэта выратавала Беларусь. Не таму што я дыктатар», — дадаў Лукашэнка.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары