31 снежня а 23-й гадзіне там пройдзе святая імша на заканчэнне года. Будуць набажэнствы і ў наступныя дні. Перапынак больш чым на паўгода быў звязаны з пажарам, што здарыўся ў нацыянальным санктуарыі 11 мая.
У Будслаўскі касцёл, які сёлетняй вясной моцна пацярпеў ад пажару, вяртаюцца набажэнствы.
31 снежня а 23-й гадзіне там пройдзе святая імша на заканчэнне года. Таксама пройдуць службы 1 студзеня на Урачыстасць Маці Божай і 2 студзеня апоўдні.
11 мая ў Будслаўскім касцёле здарыўся моцны пажар, у выніку якога ў храме абваліўся дах, а вада, што прымянялася пры тушэнні, пашкодзіла сцены, падлогу і мэблю. Кіраўніцтва Каталіцкай царквы ў Беларусі неадкладна звярнулася па фінансавую дапамогу да людзей.
Людзі адгукнуліся і сабралі больш за 1,1 мільёна рублёў. Апошнія 3 тысячы — на Калядным кірмашы, які прайшоў у мінскім касцёле Святога Роха некалькі дзён таму.
Таксама шматлікія валанцёры дапамагалі ў разборы пасляпажарных завалаў і падчас будаўнічых работ.
1 130 160 рублёў — столькі сабралі на аднаўленне касцёла ў Будславе
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4747
Каментары