Справа была ў тым, што беларускае Міністэрства антыманапольнага рэгулявання і гандлю выявіла факт злоўжывання кампаніяй сваім дамінантным становішчам на рынку мабільных праграм.
Падчас расследавання, праведзенага МАРГ, высветлілася, што кампанія Google LLC дазваляе ўсталяваць вытворцам смартфонаў і планшэтаў пад кіраваннем АС Android краму мабільных праграм Google Play на іх прылады толькі пры выкананні шэрагу ўмоў. Сярод гэтых умоў — загрузка сэрвісаў і мабільных праграм карпарацыі.
Міністэрства палічыла, што такія практыкі «абмяжоўваюць магчымасці доступу праграм на мабільныя прылады іншых распрацоўшчыкаў праграм, у першую чаргу праграм пошуку» і тым самым садзейнічаюць манапалізацыі рынку Google-ам.
Вярхоўны суд пагадзіўся з аргументамі МАРГ і прыцягнуў кампанію Google да адміністрацыйнай адказнасці з накладаннем штрафу ў памеры 1 438 941 рублёў (каля 560 тысяч даляраў).
Гэты штраф быў накладзены эканамічным судом Мінска яшчэ ў мінулым годзе, але кампанія яго абскарджвала. Але няўдала, пакаранне застаецца ў сіле.
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары