Камандуючы аперацыяй аб'яднаных сіл (ААС) Украіны на Данбасе Аляксандр Паўлюк назваў 20 лютага «датай уварвання» Расіі.
Фота Reuters
Пра гэта ён заявіў у інтэрв'ю The Times.
Паводле яго слоў, Кіеў занепакоены менавіта гэтай датай: 20 лютага скончацца Алімпійскія Гульні ў Пекіне. Таксама на гэты дзень запланаванае заканчэнне сумесных ваенных вучэнняў армій Расіі і Беларусі «Саюзная рашучасць — 2022».
Акрамя таго, ён выказаў упэўненасць, што наступ расійскіх войскаў пачнецца з паўднёвага ўсходу, дзе сканцэнтраваная значная частка прамысловых і абаронных прадпрыемстваў краіны.
Паўлюк дадаў, што ў выпадку эскалацыі сітуацыі Расія можа захапіць восем ключавых рэгіёнаў Украіны, пад яе кантроль могуць перайсці гарады Дняпро, Харкаў і Адэса.
Каментары