Літоўцы не пусцілі ў Беларусь абсталяванне для шыфравання інфармацыі
Два серверы, адаптаваныя для шыфравання інфармацыі, затрымалі на мяжы літоўскія мытнікі, паведамляе віленская мытня. Іх палічылі «грузам падвойнага прызначэння».
Адзін з затрыманых сервераў. Фота: lrmuitine.lt
Кошт сервераў — амаль 50 тысяч еўра, адкуль іх везлі ў Беларусь, інфармацыі пакуль няма. Груз не прапусцілі ў адпаведнасці з уведзенымі Еўрасаюзам эканамічнымі санкцыямі супраць Беларусі.
Паводле ўмоваў санкцыйных абмежаванняў, забараняецца без спецыяльных дазволаў вываз з Еўрасаюза прадметаў падвойнага прызначэння (тэхналогій, праграмнага забеспячэння і г.д.), якія можна выкарыстоўваць у ваенных ці разведвальных мэтах.
Каментары