Заснавальнік расійскай сеткі грамадскага харчавання пры сыход «Макдональдс» з Расіі: Мы так, як яны, рабіць не ўмеем
Заснавальнік расійскай сеткі «Церамок» Міхаіл Ганчароў у пасце ў Фэйсбуку распавёў, чаму расіяне не змогуць зрабіць свой «Макдональдс».
«Месца «Макдональдс» ў Расіі, вядома ж, ніхто не зойме, бо аналагічнага па складанасці і сістэме бізнэсу ў Расіі ні ў каго цяпер проста няма. Не зойме яшчэ і па той простай прычыне, што сярэдні чэк і кошт страў у «Маку» заўсёды былі экстрэмальна нізкія. Але тут важна патлумачыць дзве рэчы:
1. «Макдональдс» першапачаткова спраектаваны тэхналагічна як бізнэс для працы па экстрэмальна нізкіх коштах, гэта свайго роду дыскаўнтар. Заўважце, што «Макдональдс» менавіта спраектаваны, і менавіта тэхналагічна.
2. «Церамок» і іншыя прадстаўнікі расійскага бізнэсу не ствараліся як канкурэнты «Макдональдс», проста таму што мы так, як яны, рабіць не ўмеем. Ні тэхналагічна, ні з пункту гледжання менеджменту і маркетынгу. Можна нас за гэта лаяць, але давайце тады ўжо лаяць і нашых навукоўцаў за тое, што яны не лаўрэаты Нобелеўскіх прэмій, і нашых інжынераў, што яны не стварылі айфон у Расіі, і за многае іншае. Асабліва ўражлівым, каб не мучыцца ад нашай адсталасці, прапаную адразу галавой аб сцяну біцца. Толькі невукі лічаць, што ўсё гэта можна вось так сесці і стварыць за 2-3 месяцы або за 2-3 гады. І яшчэ большыя невукі лічаць, што калі не скнарнічаць і не красці, то і кошты ў церамкоў будуць нізкія, і айфоны ў краіне з'явяцца».
Міхаіл Ганчароў піша, што бізнэс накшталт «Макдональдс»
«зʼяўляецца за кошт дзесяцігоддзяў цяжкай працы сотняў тысяч кіраўнікоў, маркетолагаў і інжынераў, ды яшчэ і з дапамогай стымулюючых развіццё (!) мер урада».
«Пакуль у нас гэтых мер няма ўвогуле. Нават наадварот, тыя меры і рэжымы працы, што ёсць, стымулююць дэградацыю і загніванне любога буйнога бізнэсу. За ўсе 32 гады ў бізнэсе я не бачыў ніводнай спробы нашай дзяржавы дапамагчы і стымуляваць развіццё бізнэсу. Магчыма, у іншых галінах гэта і было, але за 32 гады я з такімі мерамі не сутыкнуўся», — піша вядомы расійскі бізнэсовец.
«Макдональдс», як і шмат іншых сусветна вядомых кампаній, заявіў пра свой сыход з расійскага рынка з-за вайны ва Украіне.
На гэта спікер Дзярждумы Валодзін заявіў, што на месцы рэстаранаў «Макдональдс» павінны быць адкрытыя «У дзядзі Вані» з захаванымі працоўнымі месцамі, але ніжэйшымі цэнамі.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары