Зборнік вершаў «Усё па‑ранейшаму, толькі імёны змяніліся» пабачыў свет днямі ў серыі «Кнігарня «Наша Ніва».
Зборнік вершаў «Усё па‑ранейшаму, толькі імёны змяніліся» пабачыў свет днямі ў серыі «Кнігарня «Наша Ніва».
— Гэта вершы цалкам новыя. Яны не друкаваліся раней ні ў якіх кніжках. А некаторыя нідзе зусім не друкаваліся, — кажа пісьменнік. — Асаблівасць зборніка яшчэ ў тым, што ў яго ўвайшлі як верлібры, так і вершы рыфмаваныя.
Гэтая кніжка адразу рыхтавалася як «Выспа Полацк». Але потым прыйшла новая назва. А папярэднюю Уладзімір Арлоў вырашыў пакінуць да наступнай кнігі.
— Новую кнігу прозы, калі дасць Бог, можна чакаць у наступным годзе. Можа яна і будзе называцца «Выспа Полацк».
* * *
З папярэднім паэтычным зборнікам «Паром праз «Ла‑Манш» Уладзімір Арлоў будзе прадстаўляць нашу краіну на агульнаеўрапейскім конкурсе «Еўрапейскі паэт свабоды». Прэмія заснавана муніцыпалітэтам польскага горада Гданьск. З 46 еўрапейскіх краін былі выбраны сем: Беларусь, Кіпр, Славакія, Славенія, Сербія, Францыя, Швецыя. З кожнай краіны‑фіналіста выбралі па адным паэце, чыю кніжку пераклалі і выдалі па‑польску. Імя пераможцы стане вядомым падчас Міжнароднага літаратурнага фестывалю ў Гданьску ў наступным годзе.
Цяпер чытаюць
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары