Пра намер распячатаць стратэгічныя рэзервы нафты сёння заявіў Белы дом. Рашэнне было прынятае пасля таго, як стала ясна, што Саудаўская Аравія і краіны Персідскага заліва застаюцца ў альянсе з Расіяй у рамках OPEC+ і дадатковай нафты на рынак не дадуць.
Высокія цэны на нафту — на руку Маскве, якая з атрыманых за гэта грошай фінансуе вайну ва Украіне і фактычную акупацыю Беларусі.
Пастаўкі са стратэгічных рэзерваў толькі ЗША складуць 1 млн барэляў за суткі на працягу паўгода. Гэта гістарычна рэкордныя аб’ёмы. Маштаб паставак з рэзерваў Японіі, Брытаніі, Канады і краін Еўрасаюза пакуль не паведамляецца.
Чакаецца, што прэзідэнт ЗША Джо Байдэн афіцыйна абвесціць пра гэта падчас выступу ў чацвер: ён выкладзе крокі адміністрацыі па процідзеянні расійскаму ўварванню ва Украіну і для змяншэння ўнутраных цэн на энерганосьбіты і газ.
Каментары