У інтэрнэце зніадкуль з'явілася «Брыгада Касцюшкі». Асцярожна, гэта можа быць правакацыя
У тэлеграм-канале «Брыгада Тадэвуша Касцюшкі» з'явілася відэапаведамленне, дзе людзі з сапраўднай зброяй, але закрытымі тварамі і змененым голасам, выступаюць з заахвочваннем далучацца да іх фармавання праз тэлеграм-бот. Сапраўдныя баявыя злучэнні беларусаў пры гэтым імі называюцца «мажорамі і пачварамі, якія здымаюць гламурныя відосы», пакуль гэтыя ананімныя байцы нібыта «хаваюць братоў у сапраўднай вайне».
Выснова звароту простая: трэба праз чат-бот далучацца да фармавання, у якім «радыя кожнаму сапраўднаму ваяру», а таксама ахвяраваць яму грошы. А ў іншыя фармаванні пры гэтым не ўступаць, бо там «піяршчыкі», а не «ваяры».
Але правакацыя аказалася непрадуманай, яе выдаюць дэталі:
— ніводнаму беларускаму добраахвотніку невядома такое фармаванне, як «брыгада Тадэвуша Касцюшкі». Яго не існуе;
— аўдыторыя канала, у якім апублікаванае відэа, складаецца з накручаных ботаў — першае (і адзінае) відэа з'явілася пасля таго, як у канале ўжо было паўтары тысячы падпісантаў, чаго ніколі не бывае ў натуральных умовах;
— ва Украіне не выкарыстоўваюцца тыя ўзоры камуфляжу, у які апранутыя байцы: «Горка» і «Бярозка». Але гэты камуфляж папулярны ў Беларусі, куды рэдка трапляе якаснае абмундзіраванне;
— такога лесу, на фоне якога запісана відэа, на Данбасе не расце.
Суразмоўцы «Нашай Нівы» выказваюць здагадку, што пад выглядам няіснай групы беларускія спецслужбы спрабуюць заманіць у пастку людзей, гатовых ваяваць за свабоду і незалежнасць Украіны. Калі яны напішуць у бот, іх вылічаць і арыштуюць.
Здаюць у арэнду катэдж загінулага хакеіста Цыплакова. Вось інтэр'еры ФОТЫ14
Каментары