ААН: З пачатку вайны ва Украіне загінула не менш за 1611 мірных жыхароў
З пачатку вайны Расіі ва Украіне загінулі як мінімум 1611 мірных жыхароў, яшчэ 2227 атрымалі раненні, паведамляе Упраўленне вярхоўнага камісара ААН па правах чалавека. У ліку загінулых — 131 дзіця.
Ахвяр можа быць нашмат больш, бо атрыманне інфармацыі з месцаў, дзе вяліся інтэнсіўныя баі, затрымліваецца. Гэта тычыцца, у прыватнасці, Марыупаля і Валнавахі (Данецкая вобласць), Ізюма (Харкаўская вобласць), Папаснай (Луганская вобласць) і Барадзянкі (Кіеўская вобласць), заявілі ў ААН.
Па даных ААН, большасць ахвяр загінула ў выніку прымянення зброі выбуховага дзеяння з вялікай плошчай паражэння, у тым ліку абстрэлаў з цяжкай артылерыі і рэактыўных сістэм залпавага агню, ракетных і авіяцыйных удараў.
ААН таксама звяртае ўвагу на справаздачу Генеральнай пракуратуры Украіны, згодна з якой, па стане на 8:00 7 красавіка 167 дзяцей былі забітыя і не менш за 297 атрымалі раненні.
Каментары