Жыхара Маладзечна з апошняй стадыяй раку два з паловай месяцы трымаюць за кратамі за каментарыі ў інтэрнэце
Паўла Кучынскага затрымалі 26 студзеня. Ён мае інваліднасць другой групы, у яго чацвёртая стадыя раку. Паўла абвінавачваюць у абразе двух суддзяў, Лукашэнкі, супрацоўніка РАУС, а таксама ў пагрозе суддзі і Лукашэнку, паведамляюць правааабаронцы.
Спачатку родным казалі, што Павел затрыманы на трое сутак, а пасля высветлілася, што яго будуць трымаць пад вартай да суда.
Родныя ездзілі у Бараўляны па паперы, што яму неабходнае лячэнне, пастаянныя абследаванні і яго нельга трымаць у такіх умовах, пісалі ў пракуратуру і адміністрацыю Лукашэнкі — але нічога не дапамагло.
Сваякам удалося дабіцца, каб Кучынскага звазілі ў Бараўляны на абследаванне, па выніках якога відаць, што стан здароўя Паўла пагоршаў, пачаўся запаленчы працэс. Калі маці прывезла вынікі абследавання следачай з просьбай аказаць дапамогу, тая сказала, што ён не скардзіцца і што родныя «гэтымі дзеяннямі затрымліваюць працэс».
Каментары