Вядомы латвійскі спартсмен змяніў сваё прозвішча з-за вайны ва Украіне. Бо яно асацыюецца з кепскім
Вядомы латвійскі саначнік Крыстэнс Пуцінс вырашыў змяніць сваё прозвішча праз поўнамаштабную вайну, якую РФ развязала на тэрыторыі Украіны.
Спартсмен патлумачыў сваё рашэнне тым, што не хоча, каб хтосьці асацыяваў яго самога ці яго дзяцей з прэзідэнтам краіны-агрэсара Уладзімірам Пуціным. Крыстэнс лічыць уварванне Расіі ва Украіну — сур'ёзным злачынствам.
«Засталося ўзгадніць фармальнасці. Мая пазіцыя звязана з тым, што я не хачу, каб мяне ці маіх дзяцей асацыявалі з ваенным злачынцам у будучыні. Цяпер ідзе акупацыя. Расія ўварвалася ва Украіну, і гэта сур'ёзнае злачынства, якое я не падтрымліваю. Недапушчальна, каб вайна магла пачацца зараз у Еўропе.
Калі я дасягнуў таго ўзроўню, што журналісты пра мяне пісалі, яны, мабыць, не верылі, што Пуцінс сапраўднае маё прозвішча. Тады я прайшоў праз вопыт непаразуменняў па маім прозвішчы-пісалі Путніс, Путнс. Расіяне, вядома, ставіліся да мяне з павагай, а вось украінцы былі асцярожныя», — прыводзіць словы Крыстэнса delfi.lv.
Крыстэн Пуцінс на сваёй старонцы ў фэйсбуку падпісаны цяпер як Крыстэнс Родэ.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя11
Каментары