Гэта прызнаў кіраўнік Луганскай абласной адміністрацыі Сяргей Гайдай.
Папасная — 20-тысячны горад, пра яго захоп Мінабароны Расіі заявіла яшчэ 8 сакавіка, у рэальнасці яго ўпартая абарона доўжылася яшчэ два месяцы.
Такім чынам, расійскія сілы прасунуліся ў кірунку Севераданецка і Краматорска, найбольшых цэнтраў на поўначы Данбаса.
Захоп Папаснай — другі вялікі поспех расіян у Данбасе за час наступу, які доўжыцца амаль месяц. Але яны не здолелі выйсці на межы Луганскай і Данецкай абласцей, як планавалі.
Украінскія часткі працягваюць абарону горада Ліман, населеных пунктаў Залатое, Торскае, але пагроза акружэння часцей, якія бароняць Севераданецк і Лісічанск, павялічылася.
Каментары