Так выглядае камера Валадаркі, дзе сядзеў рэдактар «Нашай Нівы»
Вязень, які сядзеў у адной камеры з рэдактарам «Нашай Нівы» Андрэем Скурко, пасля выхаду з Валадаркі намаляваў сваю камеру.
«Гэта малюнак маёй «хаты» 44, ў якой я прабыў з 4/01/22 па 18/04/2022. Хата памерам 3 на 5 метраў прыблізна. Нары ў 3 паверхі.
У хаце было 15 чалавек, 5 з якіх — палітычныя. У суседняй 43 — палова палітычных, у 60 — 12 палітычных з 24.
Чалавек справа на нарах — гэта Андрей Скурко, які атрымаў 2,5 гады лагера», — піша 48-гадовы Дзяніс Насура, аналітык кампаніі EPAM, які размясціў гэты малюнак у фэйсбуку.
44-гадовы Андрэй Скурко — выбітны аўтар і рэдактар, адзін з некалькіх тысяч палітвязняў. У невыносных умовах турмы ён напісаў кнігу дзіцячых вершаў.
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары