У гэтым сезоне ў Мінску будзе працаваць 21 пляж на 5 рэкрэацыйных зонах: «Заслаўскае» — 8 пляжаў (№ 1, 2, 3, 4, 5, 6, 8, 9), «Крыніца» — 2 пляжы (№ 3, 4), «Дразды» — 5 пляжаў (№ 2, 5, 6, 7, 8), «Цнянскае» — 5 пляжаў (№ 1, 2, 3, 4, 5), «Камсамольскае возера» — 1 пляж (№ 1), паведамляе Мінскі гарадскі цэнтр гігіены і эпідэміялогіі.
Прадпрыемствы і арганізацыі, замацаваныя за тэрыторыямі, правялі ўборку пляжаў і лесапаркавых зонаў. Праведзена ачыстка дна, зроблены рамонт пляжнага абсталявання, абсталяваныя спартыўныя і дзіцячыя пляцоўкі, устаноўленыя шэзлонгі, альтанкі, лаўкі, кабіны для пераапранання, ценявыя навесы, душавыя ўстаноўкі, павялічаная колькасць скрыняў, грамадскіх прыбіральняў.
У рамках падрыхтоўкі да купальнага сезону адабраныя пробы вады для лабараторных даследаванняў, тэрыторыі пляжаў апрацаваныя ад кляшчоў.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары