Санкцыі ў дачыненні да кіраўніка Рускай праваслаўнай царквы Кірыла былі знятыя на «фінальным этапе» прыняцця пакета, але Літва будзе дамагацца ўнясення яго імя ў «чорны спіс» падчас абмеркавання сёмага пакета абмежаванняў для Крамля, заявіў міністр замежных спраў Габрыэлюс Ландсбергіс.
Па словах Ландсбергіса, святар быў выключаны з санкцыйнага спісу «рашэннем кіраўніцтва перад самым выхадам прававога дакумента».
«Ну, вядома, нават палітычнае пагадненне было знойдзенае. Не ведаю, па якіх прычынах (быў выключаны), адказаць не магу. Але гэта дазваляе казаць пра тое, што ў нас ёсць прававая аснова, практычна быў палітычны кансэнсус, таму мы можам паспрабаваць пашукаць зноўку», — сказаў міністр.
На мінулым тыдні афіцыйна набыў моц шосты пакет санкцый Еўрасаюза ў дачыненні да Расіі з-за вайны ва Украіне. Нягледзячы на пэўныя выключэнні, якія тычацца Венгрыі, ЕС адмовіўся ад экспарту расійскай нафты танкерамі.
Усё ж пазіцыя Будапешта таксама прывяла і да выключэння з санкцыйнага спісу праваслаўнага святара. Па словах прэм'ер-міністра Венгрыі Віктара Орбана, увядзенне санкцый супраць Кірыла супярэчыла б «свабодзе веравызнання».
Прапагандысты запэўніваюць, што 196 палітвязняў ужо на свабодзе9
Каментары